吃過午飯，本來打算去睇下一直都未有機會入去逛下的史達工業呈獻：鐵甲奇俠裝備展，不過原來要2:00pm才開放，我們去對面先玩蟻俠與黃蜂女：擊戰特攻！
今次要排少少隊，可以欣賞下排隊位的設計，好有型。排隊位有很多宣萱的片段，原來她飾演史達科技展神盾局科技館的總工程師林樂詩（Leslie），是MARVEL特別為這個遊戲設計的原創角色，研發了我們所坐的「突擊」戰車和所用的電磁脈衝槍，讓我們與蟻俠及黃蜂女一同響應Ironman的號召，攜手抵禦邪惡勢力Hydra在香港發動的突然襲擊，擊敗Arnim Zola和他的機械蟲大軍。
今次到恆仔陪逸逸玩槍槍
我終於比恆仔高分少少（上次我照顧逸逸，分數只有五位數字）
下一站玩埋飛碟
終於夠鐘返去史達工業呈獻：鐵甲奇俠裝備展，點知已經話要排超過半個鐘，如果只係入去同Ironman影張相我真係接受唔到，算啦，等再無咁多人有興趣再去。
之前玩森林河流之旅的時候，已經同逸逸講不如我地一陣坐木伐去泰山屋企參觀，我都唔記得幾耐無去過泰山樹屋了，已經第四次來香港迪士尼的逸逸還是第一次去泰山樹屋呢。
走過吊橋
見到BB泰山，我向逸逸簡介泰山無左爸爸媽媽，所以係由猩猩照顧成長⋯⋯逸逸問我：泰山係咪去街無拖住爸爸媽媽？
係泰山屋企玩敲擊樂器
逸逸已經累到不得了，我不想繞遠路返回明日世界的火箭餐廳讓逸逸睡覺，結果我們在迷離莊園發現了這家大冒險家餐廳。
迷離莊園的亨利爵士將餐廳分為五個主題區域，分別象徵他所嚮往的五個國家──中國、印度、俄羅斯、摩洛哥和埃及，可以品嚐到印度、日本、韓國和東南亞等地的風味佳餚，最重要是座位多又有冷氣，絕對是另一個用餐的好地方。
逸逸一坐下來就呼呼大睡，恆仔為沒有吃午飯的我買了沙嗲串燒，都幾好味。另外又為我帶來一杯咖啡，30多元一杯雀巢即溶咖啡，我覺得唔好俾我睇到包裝唔好叫我自己整感覺會好d。
瞓醒覺去toy story land逛下，知道逸逸暫時唔會再敢玩玩具兵團跳降傘，建議不如試下轉轉彈弓狗，結果都被剛睡醒情緒麻麻地的逸逸拒絕。
於是諗住去小小世界調整一下心情。
經過見到有派糖活動，我地都去湊下熱鬧。我們兵分兩路，恆仔陪逸逸排隊拎糖，聽講他們排個行係要小朋友親口講trick or treat 才派，所以進度好慢；我就排隊去拎糖果盒，其實本身設計上是排隊坐低一齊製作糖果盒，但結果等太耐，為了疏導人流，職員直接派製作糖果盒的材料，結果所有人都係拎完材料就走，無人排隊坐低整，這就是香港人。
依度仲可以排隊同一年才出動一次的壞人合照，我們碰巧遇上賈方，其實如果唔係玩TsumTsum 都唔識佢。
再來小小世界
今次我們坐第一行，印象中還是第一次呢！
景觀真係唔同d
出到黎我地買左雪糕雞蛋仔，都幾好味，不過好難唔整污糟手。
之後Encore轉轉杯
咦，依個咪昨晚聽的故事～逸逸好似已經無乜興趣。
仲有encore轉轉馬同小飛象，但係唔再玩蜜糖杯，因為好驚喎。時間都差不多，我們返酒店食晚餐喇！
其實今次入園係做緊Halloween活動，除左trick or treat同埋與壞人合照之外，仲有其他活動例如米奇Halloween 反轉大街派對、阿Jack聯群作惡、惡人舞動迪士尼以及怪誕城之旅，不過都怕逸逸驚所以刻意避開，唔知逸逸幾時可以唔驚同我地一齊玩呢？
好靚的噴水池
本來今晚打算再在影廠酒廊吃晚餐，但去到說滿座，預約晚一點的時間又依話可以幫你寫低唔保證到時有位之類，總之俾我們的感覺就是最好過主啦，感覺好差，想像不到在如此magical 的迪士尼會有這樣的經歷，反而最近我們在台灣北投的春天酒店遇上相類似的事，職員會話到時我們在預約的時間到左可能都要等多陣，如果早左有位可以打電話到房間通知我們，都是無保證，但感覺就好得多了。
結果我們決定駕車去探索家度假酒店的星航圖咖啡廳食快餐。
點了一客有蛋包飯、沙律、水果、甜品和橙汁的兒童餐及一份焗芝士粟米南瓜通粉配忌廉湯，三個人分享剛剛好。
食完晚飯，回房間沖完涼再睇下卡通片先休息。